Aqmola oblysynda «GAZel» men traktor soqtyǵysyp, 3 adam qaza tapty
ASTANA. QazAqparat - Atbasar-Derjavınsk tas jolynda iri jol apaty tirkelip, onyń saldarynan úsh adam mert boldy, dep habarlaıdy «QazAqparat» HAA tilshisi Aqmola oblysy ІІD baspasóz qyzmetine silteme jasap.
Jol apaty 16 shilde kúni Atbasar - Derjavınsk jolynda, Jaqsy aýdanynyń Qıma aýylyna jaqyn mańda bolǵan. Polıtsııa qyzmetkerleriniń anyqtaýynsha, «GAZel» markaly avtokóliktiń 50 jastaǵy júrgizýshisi jyldamdyq rejımin saqtamaı, alda tirkememen shóp tıep áketip bara jatqan «MTZ 80» traktoryna soqtyǵysqan.
Jol apatynan Arqalyq qalasynyń úsh turǵyny qaza tapqan: olar - 1951 jáne 1960 jylǵy er adam men 53 jastaǵy áıel. Sonymen birge, ár túrli jaraqattarmen 9 adam (onyń ishinde bireýi bala) aýrýhanaǵa jetkizilgen. Barlyq zardap shegýshiler Arqalyq qalasy men Qostanaı oblysynyń Jangeldi aýdanynyń turǵyndary bolyp shyqty.
Atalǵan jol-kólik oqıǵasyna baılanysty polıtsııa QR QK 345-baby boıynsha sotaldy tergeý amaldaryn bastap, birqatar saraptama jumystary taǵaıyndaldy.
