Aqmola oblysynda gaz-aýa qospasynyń jarylysynan er adam kóz jumdy
KÓKShETAÝ. QazAqparat - Aqmola oblysynyń Tselınograd aýdanynda gaz-aýa qospasynyń jarylysy saldarynan er adam kóz jumdy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, qaıǵyly jaǵdaı búgin, saǵat 11:53 Qyzylsýat aýylynda boldy. Anyqtalǵandaı, jeke turǵyn úı aýmaǵyndaǵy avtonomdy gazben jylytý ornatylǵan jerde gazgolderdiń qudyǵyn ashý kezinde gazdy-aýa qospasy jarylǵan. Saldarynan úı ıesi - 1948 jyly týǵan er adam sol jerde kóz jumdy. Órt bolǵan joq.
«Qazirgi kezde jarylystyń shyǵý sebepteri anyqtalýda. Sot-medıtsınalyq saraptama taǵaıyndaldy. Oqıǵa ornynda TJD, polıtsııa jáne jedel járdem qyzmetkerleri jumys isteýde»,- dedi vedomstvodan.
Osy rette, Aqmola oblysy TJ departamentiniń qyzmetkerleri oblys turǵyndarynan qaýipsizdik sharalaryn saqtaýdy suraıdy.
