Aqmola oblysynda garaj órtenip, alty kólik janyp ketti
KÓKShETAÝ. QazAqparat - Býrabaı aýdanynyń Şýche qalasynda blok-konteıner tıpindegi garaj órtendi. Órttiń saldarynan alty «Gazel» avtokóligi janyp ketti, dep habarlaıdy QazAqparat tilshisi.
Aqmola oblystyq Tótenshe jaǵdaılar departamenti baspasóz qyzmetiniń málimetinshe, 6 aqpanda saǵat 08:08-de Şýche qalasynda modýldik blok-konteıner tıpindegi garajdan órt shyqqan.
«Garaj ǵımaraty jalpy aýdany 290 sharshy metr bolatyn tórt metall konteınerden turady. Órt 08:47-de aýyzdyqtalyp, 09:22-de sóndirildi. Órt saldarynan alty «Gazel» avtokóligi janyp ketti. Qaza bolǵandar men zardap shekkender joq. Órttiń shyǵý sebebi anyqtalýda», - dep habarlady vedomstvodan.
Qutqarýshylar habarlaǵandaı, órt sóndirýge Tótenshe jaǵdaılar departamentiniń jeke quramynan 20 adam jáne 4 arnaıy órt sóndirý tehnıkasy jumyldyryldy.
