Aqmola oblysynda eske alý asyna barǵan qonaqtar indet juqtyrǵan
KÓKShETAÝ. QazAqparat - Aqmola oblysynda bir táýliktiń ishinde 22 adamda (6 er adam, 16 áıel) koronavırýs ınfektsııasy anyqtaldy. Onyń 10-y - Kókshetaý qalasynyń úlesinde. Osylaısha oblys boıynsha koronavırýsqa shaldyqqandar sany 227 adamǵa jetti, dep habarlaıdy QazAqparat tilshisi.
Oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamenti osyndaı málimet taratty.
«Qaýipti vırýsty juqtyrǵandarǵa keletin bolsaq, Kókshetaý qalasynda – 10 adam, Tselınograd aýdanynda – 8 adam, Shortandy, Ereımentaý, Bulandy jáne Egindikól aýdandarynda bir adamnan. Naýqastardyń deni - 1962-1990-jyldar aralyǵyndaǵy 6 er adam men 1950-1998 jyldar aralyǵyndaǵy 16 áıel. Bunyń tórteýi buryn juqtyrǵandarmen baılanysta bolǵan tizim boıynsha ótti. Eger sanıtar dárigerlerdiń usynymdaryna qulaq assa, kóp adam vırýstan aýlaq bolar edi» deıdi vedomstvodan.
Mekemeniń baspasóz qyzmetinen atap ótkendeı, koronavırýs juqtyrǵandardyń basym kópshiligi konaqqa barǵan. Sondaı-aq Nur-Sultan jáne Almaty qalalaryna jol júrý kezinde karantın sharalary saqtalmaǵany sebep bolyp otyr.
Sonymen birge, oblys ortalyǵyndaǵy «Shalqar» dámhanasyna eske alý asyna barǵandar qaýipti vırýsty juqtyrǵan.
Jaqyn jáne áleýetti baılanystardy anyqtaý boıynsha sanıtarlyq-epıdemıologııalyq tekserý turǵylyqty jeri, jumys orny jáne basqa da yqtımal baılanys oryndarynda ótedi.
«Oshaqtar anyqtalǵannan keıin qorytyndy dezınfektsııa júrgiziledi. Barlyq naýqastarǵa bekitilgen klınıkalyq hattamaǵa sáıkes, medıtsınalyq kómek kórsetiledi.Juqtyrý oshaqtarynda indetke qarsy is-sharalardy joǵaryda atalǵan aýmaqtar basqarmalarynyń mamandary júrgizetin bolady» dep tolyqtyrdy vedomstvodan.
