Aqmola oblysynda esirtkini nasıhattaǵan 9 saıt jabyldy
KÓKShETAÝ. QazAqparat - Aqmola oblysynda esirtki túrlerin nasıhattaýmen aınalysqan 9 saıt jabyldy. Bul týraly oblystyq ІІD basshysynyń birinshi orynbasary Baýyrjan Álenov aıtty, dep habarlaıdy QazAqparat tilshisi.
Statıstıkalyq derekter boıynsha jyl basynan beri nashaqorlyqty emdeý ortalyǵynda barlyǵy 631 adam esepke alynǵan. Onyń ishinde 45 adam medıtsınalyq tekseris qorytyndysy boıynsha esepten shyǵarylǵan. Qazirgi kezde, esirtkige táýeldi 594 adam bolsa, onyń 428 ıne arqyly qabyldanatyn esirtkin túrin paıdalanady. Onyń ishinde 42-si áıel bolsa, 3-ýi jasóspirim.
«Nashaqorlyqqa jáne esirtki bıznesine qarsy kúres boıynsha Aqmola oblysynyń ІІD organdary eki baǵytta jumys isteýde», - deıdi Baýyrjan Álenov.
Onyń aıtýynsha, bul eki baǵyttyń alǵashqysy boıynsha bıylǵy jyldyń alǵashqy 6 aıynda esirtki bıznesine qatysty 75 qylmystyń beti ashyldy. Aqmola oblysy ІІD qyzmetkerlerimen aǵymdaǵy jyldyń 6 aıynda esirtkiniń zańsyz aınalymyna qatysty 110 qylmystyq is qozǵaldy, onyń ishinde 66-sy esirtki satý derekteri. Zańsyz aınalymnan 445 keli ár túrli esirtki tárkilendi. Máselen, bir ǵana Arshaly aýdany aýmaǵynda 140 keli kóknár zańsyz saýdadan alyndy.
Al, ekinshi baǵytt boıynsha quqyq qorǵaý organdary Aqmola oblystyq densaýlyq saqtaý jáne bilim berý basqarmalary, memlekettik emes uıymdarmen jáne mekteptegi ıývenaldy polıtsııa ınspektorlarymen birge esirtkige qarsy jáne kámeletke tolmaǵandardy nashaqorlyqqa tartýdyń aldyn alýǵa jáne boldyrmaýǵa baǵyttalǵan barlyǵy 353 is-shara ótkizdi. Atap aıtqanda: nashaqorlyqqa jáne esirtki bıznesine qarsy baǵyttalǵan 79-semınar, 200-dáris, 40-kezdesý jáne 36 sporttyq is-sharalar uıyymdastyryldy. Osy merzim ishinde buqaralyq aqparat quraldarynda da biraz derekter jarııalandy.
«Sońǵy kezderi ınternet resýrstarynda esirtkiniń sıntetıkalyq túrleri qaýipsiz degen jalǵan aqparattardyń taralýy alańdata bastady. Sol sebepti, Aqmola oblysynyń ІІD esirtki túrin nasıhattaǵan 9 saıtty japty. Oǵan qosa, ІІD Esirtki bıznesimen kúres basqarmasy áleýmettik jeli jáne (WhatsApp, Telegram) ınternet messendjerleri arqyly nashaqorlyqqa qarsy taqyrypta aldyn alý rolıkterin jarııalap otyrady. Osyndaı aýqymdy sharalardyń nátıjesinde sońǵy on shaqty jyldyń ishinde nashaqorlyq kórsetkishi jylyna ortasha alǵanda 8-10 paıyzǵa azaıyp kele jatqany baıqalady», - dep sózin túıindedi Baýyrjan Álenov.
