Aqmola oblysynda esirtkige elitken júrgizýshi qamaýǵa alyndy

KÓKShETAÝ. QazAqparat – Kókshetaýda esirtkige elitken júrgizýshi 15 táýlikke qamaldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, 11 qańtarda «Ásker-5» avtopatrýl ekıpajy túngi saǵat eki shamasynda Soltústik ónerkásip kóshesiniń boıynda 23 jastaǵy jergilikti turǵyn tizgindegen «VAZ 2103» kóligin toqtatqan.

«Tártip saqshylary júrgizýshiniń qujattaryn tekserý kezinde odan ózgeshe ıistin shyǵyp turǵanyn sezgen. Keıin júrgizýshiden Kókshetaý qalasyndaǵy Aqmola oblystyq narkologııalyq ońaltý dıspanserine medıtsınalyq kýálandyrýdan ótýge barýdy suraǵan. Nátıjesinde narkolog dáriger júrgizýshi esirtkige elitkeni týraly medıtsınalyq uıǵarym shyǵardy», - dedi vedomstvodan.

Polıtsııa qyzmetkerleri júrgizýshini ýaqytsha ustaý oqshaýlaǵyshyna qamap, kóligin oblys ortalyǵyndaǵy aıyp turaǵyna qoıdy.

«13 qańtarda Kókshetaý qalalyq mamandandyrylǵan ákimshilik sotynyń qaýlysymen júrgizýshi QR ÁQbK 608-babynyń 1-bóligi boıynsha kináli dep tanylyp, 15 táýlikke ákimshilik qamaýǵa alý jáne 7 jylǵa júrgizýshi kýáliginen aıyrý jazasy taǵaıyndaldy», - dep tolyqtyrdy vedomstvodan.

Aıta keteıik, jańa jyldan bastap QR ÁQbK 608-babyna ózgerister engizildi. Osyǵan sáıkes, masań kúıde rýlge otyrǵan adamdarǵa 3-7 jylǵa deıin júrgizýshi kýáliginen aıyrý jáne 15 táýlikke ákimshilik qamaýǵa alý jazasy qarastyrylatyn bolady.