Aqmola oblysynda esirtki zattaryn jasyrmaq bolǵan mektep oqýshysy ustaldy
Oblystyq polıtsııa departamentiniń esirtki qylmysyna qarsy is-qımyl basqarmasynyń málimetinshe, oblys aýmaǵynda jedel-aldyn alý is-sharasyn ótkizý barysynda jedel ýákilder mektep oqýshysyn esirtki zattaryn jasyryp jatqan jerinen ustady.
Anyqtalǵandaı jasóspirim jasyrmaq bolǵan zat apıyn qataryndaǵy preparattarǵa jatatyn kúshti analgetık bolyp tabylatyn dárilik preparattyń 23 plastınasy bolyp shyqty.
«Tárkilengen dárihana preparaty jasóspirimder men jastar arasynda tanymal, óıtkeni, ol adamnyń boıyndaǵy qýatyn arttyryp, kóńil-kúıin jaqsartady. Jastar ony únemi qoldanǵan kezde oǵan táýeldilik artady, al ınektsııalyq esirtkini qoldanatyn adam ǵana nashaqor bolyp sanalýy múmkin. Alaıda, bul preparat geroınniń sıntetıkalyq opıaty bolyp tabylady jáne ony birneshe ret qoldaný esirtkige táýeldilikti týdyrady», - dedi PD esirtki qylmysyna qarsy is-qımyl basqarmasy bastyǵynyń orynbasary, polıtsııa podpolkovnıgi Vıtalıı Gýdymenko.
Qazirgi kezde, osyǵan baılanysty Qylmystyq kodekstiń 296 babynyń 2-shi bóligi boıynsha sotqa deıingi tergeý amaldary júrgizilýde. Sonymen birge, saraptama taǵaıyndaldy.
