Aqmola oblysynda esirtki saýdalap júrgen zeınetker ustaldy
KÓKShETAÝ. QazAqparat - Aqmola oblysynyń Shortandy aýdanynda iri kólemde esirtki saýdasymen aınalysqan zeınetker ustaldy, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń deregi boıynsha, 62 jastaǵy áıel 18-shi sáýir kúni Damsa aýylynda qolǵa túsken.
«ІІD Esirtki bıznesimen kúres qyzmetkerleri qarııanyń 2,4 gramm esirtki (geroın) saýdalaǵanyn birneshe apta buryn anyqtaǵan. Bul iri kólem bolyp sanalady. Osyǵan baılanysty qarııanyń úıin tintý kezinde eki taǵy býma esirtki zaty tabyldy. Qazirgi kezde tárkilengen zat saraptamaǵa jiberildi. Sodan keıin ǵana onyń salmaǵy jáne esirtkiniń qaı túrine jatatyny anyqtalady», dep túsindirdi ІІD baspasóz hatshysy Gúlnár Pınchýk.
Qazirgi kezde, kúdikti ýaqytsha ustaý ızolıatoryna toǵytylyp, ústinen QR QK 297 babynyń 1 bólimi boıynsha sotaldy óndiristik is qozǵaldy.
Eger qarııanyń qylmysy dáleldense onda ol 5 jyldan 10 jylǵa deıingi merzimge sottalýy múmkin.
Foto: gazeta-uzhnoe-tushino.info
