Aqmola oblysynda Esil ózeninde 85 kelige jýyq ólgen balyq jınaldy
KÓKShETAÝ. QazAqparat - Esil oblysaralyq basseındik balyq sharýashylyǵy ınspektsııasynyń qyzmetkerleri balyq sharýashylyǵy sý aıdyndarynda monıtorıng júrgizý barysynda Esil ózeninde balyqtyń jappaı qyrylýyn toqtatý jáne aldaǵy ýaqytta ony boldyrmaý maqsatynda jumystar júrgizdi. Sonymen birge muz astynda ólgen balyqtar jınalyp, zerthanalyq zertteýge joldandy, dep habarlaıdy QazAqparat tilshisi QR Balyq sharýashylyǵy komıtetiniń baspasóz qyzmetine silteme jasap.
Zertteý qorytyndysy belgili bolǵan soń jarııalanady. Boljam boıynsha, balyqtyń qyrylýy muz astynda otteginiń jetispeýshiliginen bolýy múmkin.
Atap aıtsaq, Aqmola oblysy, Astrahan aýdanynyń Novocherkasskoe aýyly mańyndaǵy Esil ózeninde 85 kg jýyq ólgen balyq jınaldy. Qazir QR AShM Veterınarlyq baqylaý jáne qadaǵalaý komıteti Aqmola oblystyq aýmaqtyq ınspektsııasynyń ókilderimen birlese synama jumystary júrgizilýde. Qalǵan balyq sanıtarlyq normalardy saqtaı otyryp, joıyldy.
Qazirgi tańda ózen sýyn májbúrli aeratsııalaý úshin eki motopompa ornatylǵan. Bul óz kezeginde muz astyndaǵy sýdy ottegimen qamtamasyz etýge úlken sep. Sý aıdynynyń jaǵdaıyna monıtorıng jalǵasýda.
Aıta ketsek, Esil ózeni balyq sharýashylyǵy sý aıdyndarynyń rezervtik qoryna kiredi.
