Aqmola oblysynda esepte turǵan maskúnemderdiń sany 8,5 myńnan asty
KÓKShETAÝ. QazAqparat - Aqmola oblysynda 8 500-nan astam maskúnem esepte tur. Onyń ishinde 930 adamdy jyl basynan beri ýchaskelik polıtsııa ınspektorlary esepke alyp otyr. Bul týraly oblystyq ІІD baspasóz qyzmetinen habarlady.
Eske sala keteıik, QR Densaýlyq saqtaý jáne áleýmettik damý mınıstrliginiń bastamasymen respýblıka aýmaǵynda 17-26 qazan aralyǵynda «Alkogolge jol joq!» uranymen ishimdikten bas tartý boıynsha ulttyq kúnine oraı onkúndik ótýde.
Osy oraıda, maskúnemdikpen aqmolalyq polıtseıler de belsendi kúresýde. Máselen, aǵymdaǵy jyldyń 1qyrkúıeginde Aqmola oblysy aýmaǵynda bastaý alǵan respýblıkalyq «Ýchastok» arnaıy operatsııasy aıasynda polıtseıler esepte turǵan 8 500 astam maskúnemdi mekenjaıy boıynsha úılerine baryp, tekserýdi bastady. Osy kúni 3000 adam tekserilgen. Oǵan qosa, bıyl 402 tulǵa Ereımentaý aýdanynyń Sileti aýylyndaǵy oblystyq narkologııalyq aýrýhanasyna emdeýge jatqyzyldy. Qazirgi kezde Aqmola oblysy aýmaǵynda 2 ýaqytsha beıimdeý (aıyqtyrǵysh) jumys isteıdi. Jyl basynan beri oǵan 5 000 adam jatqyzyldy
Qoǵamdyq jerlerde ishimdik ishken 8 myńnan astam adam QR ÁQbK-niń 440 baby boıynsha ákimshilik jaýapkershilikke tartyldy. Onyń 200-den astamy jasóspirimder.
Sonymen qatar, mas kúıinde kólik tizgindegen 2 800 adam QR ÁQbK 608 baby boıynsha ákimshilik jaýapkershlikke tartylyp, olardyń barlyǵy úsh jyl merzimge kólik basqarý quqyǵynan aıryldy.
«Mas kúıde jasalatyn qylmysty aldyn alý - ýchaskelik ınspektordyń basty mindeti. Ol úshin biz esepte turǵan maskúnemderdi tekserip, ár qaısysymen jeke-jeke jumys isteımiz. Bul turmystyq qylmysty aldyn alyp, azaıtýǵa múmkindik beredi. Jyl basynan beri 144 saýda ornynyń satýshylary túngi ýaqytta ishimdik satqany úshin tıisti bap boıynsha ákimshilik jýapkershilikke tartyldy», - deıdi oblystyq ІІD jergilikti polıtsııa qyzmeti basshysynyń orynbasary Rýslan Musaev.
