Aqmola oblysynda erler arasynda tramplıninen FIS Gran-prı Álem kýbogynyń jazǵy kezeńi bastaldy
KÓKShETAÝ. QazAqparat - Aqmola oblysynda erler arasynda tramplıninen FIS Gran-prı Álem kýbogynyń jazǵy kezeńi bastaldy. Álemdik deńgeıdegi sporttyq sharanyń ashylýyna aımaq basshysy Ermek Marjyqpaev, QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Sápıev, Tokıo Paralımpıada oıyndarynyń altyn medaliniń ıegeri Davıd Degtıarev qatysty, dep habarlaıdy QazAqparat tilshisi.
Şýche qalasynda ornalasqan shańǵy sportynyń ulttyq ortalyǵynda shańǵy, bıatlon, shańǵy-rollerlik sport jáne tramplınderden sekirý boıynsha jattyǵýlar men jarystar ótkizýge barlyq jaǵdaı jasalǵan. Sondaı-aq, sportshylardyń ıeliginde qonaq úı, trenajer jáne sport zaldary, basseın medıtsınalyq medıtsınalyq-ońaltý ortalyǵy bar.
Baıraqty jarysqa Japonııa, Ońtústik Koreıa, Norvegııa, Reseı, Chehııa sııaqty álemniń 15 elinen kelgen shańǵyshylar qatysady.
Shańǵymen tramplınnen sekirý boıynsha elimizdiń bas jattyqtyrýshysy Qaırat Bıkenovtyń aıtýynsha, qazaqstandyq komanda týrnır favorıtteriniń biri bolyp sanalady, Sabyrjan Momynov, Sergeı Tkachenko jáne Danıl Vasılev altyn medalden úmitker.
Aımaq basshysy Ermek Marjyqpaev jarystyń ashylýymen jáne Táýelsizdiktiń 30 jyldyǵymen quttyqtady.
«Aqmola oblysynda óńirdi ǵana emes, jalpy eldiń atyn shyǵarǵan kóptegen sportshylar bar. Olardyń esimderin tizbektep aıta berýge bolady. Solardyń qatarynda Vladımır Smırnov, Vladımır Sahnov barlyǵy biledi. Olardyń izderin qazirgi tanymal shańǵyshylar Evgenıı Velıchko, Oljas Klımın, Vıktorııa Tıýleneva, Aleksandr Mýhın jalǵap keledi.
Osy rette, Serik Sápıev jarysty uıymdastyrýda qoldaý kórsetken oblys basshylyǵyna alǵysyn bildirdi. Ol sondaı-aq sportshylarǵa aldaǵy jarystarda tabys jáne jeńis tiledi.
