Aqmola oblysynda er adamdy qamaýda ustaǵandar qolǵa tústi
KÓKShETAÝ. QazAqparat - Aqmola oblysynda 37 jastaǵy er adamdy zańsyz bas bostandyǵynan aıyrdy degen kúdikpen aýyldyń úsh turǵyny ustaldy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha oqıǵa 4 aqpanda Býrabaı aýdanynyń Zelenyı Bor aýylynda bolǵan.
«37 jastaǵy zardap shegýshiniń sózinshe, aýyldyń úsh turǵyny ony birneshe saǵat boıy garajda qamap ustaǵan. Onysymen qoımaı soqqyǵa jyqqany anyqtaldy. Aqmola oblysynyń ІІD Uıymdasqan qylmyspen kúres basqarmasynyń qyzmetkerleri arnaıy operatsııa barysynda 27-29 jas aralyǵyndaǵy buryn sotty bolǵan úsh kúdiktini ustady», dep túsindirdi baspasóz qyzmetindegiler.
Qazirgi kezde, kúdiktiler qylmysyn moıyndap, ústinen QR 126 babanyń 2 bóligi boıynsha sotaldy tergeý amaldary qolǵa alyndy.
Eger kúdiktilerdiń qylmysy dáleldense, onda olar 5 jylǵa deıin merzimge sottalýy múmkin.
