Aqmola oblysynda er adam prokýratýra qyzmetkeri men polıtseıdi jaralady
ASTANA. QazAqparat - Aqmola oblysy Aqmol aýylynda (Malınovka) er adam prokýratýra qyzmetkeri men polıtseıdi jaraqattap, keıin ózin-ózi atyp óltirdi, dep habarlaıdy «QazAqparat» HAA tilshisi Aqmola oblystyq ІІD baspasóz qyzmetine silteme jasap.
"20 shilde kúni saǵat 14.35-te "Folksvagen Passat" kóligine mingen belgisiz bireý Tselınograd prokýratýrasynyń ákimshilik ǵımaratynyń mańynda prokýratýra jumysshysy men Tselınograd aýdandyq ІІB qyzmetkerine oq jaýdyrǵan. Qyzmetker jumys babymen sol mańda bolǵan", - dep habarlady ІІD ókilderi.
14.45-te jedel-izdestirý sharalarynyń barysynda kólik tabylyp, ondaǵy kúdiktiniń máıiti anyqtaldy. Ol óziniń júrek tusynan atqan.
61 jastaǵy er adamnyń qylmystyq is boıynsha sottalýshy retinde kúdikke ilingeni anyqtaldy. Ol sybaılas jemqorlyqqa qarsy is-qımyl qyzmeti tergep jatqan aqshalaı qarajatty jymqyrý deregi boıynsha kúdikke ilingen.
Qazirgi tańda qarý tárkilenip, saraptamaǵa joldandy. Tergeý júrip jatyr. Zardap shekkenderdiń jaǵdaıy turaqty, olarǵa ýaqtyly medıtsınalyq járdem kórsetildi.
