Aqmola oblysynda er adam ózin balaǵattaǵan ulyn sotqa berdi
KÓKShETAÝ. QazAqparat - Stepnogorsk qalalyq sotynda ákesi men uly medıatıvtik kelisim jasasyp, tatýlasty, dep habarlaıdy QazAqparat tilshisi.
Aqmola oblystyq sotynyń baspasóz qyzmeti taratqan habarlamaǵa qaraǵanda, Stepnogor qalalyq sotynda Ákimshilik quqyq buzýshylyq týraly Qazaqstan Respýblıkasy Kodeksiniń 73-babynyń 1-bóligimen (Otbasy-turmystyq qatynastar aıasyndaǵy quqyqqa qarsy áreketter) azamat S-ǵa qatysty ákimshilik is qaraldy.
«Sot anyqtaǵandaı, azamat M. óziniń ákesine balaǵat sózder aıtyp, ony qorlap, úı tynyshtyǵyn buzǵan. Osy qylyǵy úshin ákesi ulyn sotqa bergen. Keıin sotta ákesi men uly tatýlasyp, medıatıvtik kelisim usynyp, is boıynsha óndiristi toqtatýdy surady. Sot qaýlysymen medıatıvtik kelisim bekitilip, ákimshilik is boıynsha toqtatyldy», - delingen baspasóz paraǵynda.
