Aqmola oblysynda er adam oq jaraqatyn aldy
KÓKShETAÝ. QazAqparat – Aqmola oblysynda eki tanys jigittiń kezdesýi biriniń ólimimen aıaqtaldy, dep habarlaıdy QazAqparat tilshisi oblystyq Polıtsııa departamenti baspasóz qyzmetine silteme jasap.
Vedomstvonyń málimetinshe, qylmys Stepnogorsk qalasynda boldy. 29 jastaǵy er adam 28 jastaǵy tanysynyń úıine qonaqqa kelgen. Artynsha, onyń biri oq tıip, aýrýhanaǵa túsken.
«Ekeýara araq ishken er adamdar sózge kelip qalǵan. Sol kezde úı ıesi myltyq alyp, qonaǵyna oq atqan. Jedel-tergeý toby anyqtaǵandaı, qaskóı Stepnogor qalasynyń buryn birneshe ret sotty bolǵan 28 jastaǵy turǵyny», - deıdi vedomstvodan.
Zardap shekken er adam Nur-Sultan qalasyndaǵy Travmatologııa jáne ortopedııa ǵylymı- zertteý ınstıtýtynyń jansaqtaý bólimine jatqyzyldy.
«Osyǵan baılanysty kúdiktiniń ústinen «Adam óltirýge oqtalý» baby boıynsha sotqa deıingi is qozǵalyp, tergeý amaldary júrgizilýde. Kúdikti qamaýǵa alyndy. Odan tegis uńǵymaly ańshy myltyǵy tárkilenip, saraptamaǵa jiberildi», - dep tolyqtyrdy PD-dan.
