Aqmola oblysynda er adam iz-túzsiz joǵalyp ketti
KÓKShETAÝ. QazAqparat – Aqmola oblysynda Shortandy aýdanynyń iz-túzsiz joǵalǵan 42 jastaǵy turǵyny izdestirilýde, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimetinshe, 7 qazanda Shortandy aýdandyq polıtsııa bólimine jergilikti turǵyn 42 jastaǵy áıel habarlasyp, iz-túzsiz joǵalǵan 1974 jyly týǵan kúıeýi Saǵyndyq Qasanaıuly Bımúrzenovty tabýǵa kómek surady.
Áıeldiń sózinshe, kúıeýi 6 qazanynda saǵat 14:00 shamasynda úıinen kók tústi «Ýral» velosıpedimen shyǵyp ketken, sodan beri habarsyz.
Saǵyndyqtyń boıy 184 sm, dene bitimi ortasha, shashy qysqa qıylǵan, arasynda aq shashtary bar, kózderi erekshe belgileri joq.
Ústinde tótenshe jaǵdaılar bólimi qyzmetkeriniń arnaıy kıimi, aıaǵynda qara tústi kebis, sondaı-aq, ózimen birge «Samsýng A-40» markaly uıaly telefony bolǵan.
«Іzdestirý is-sharalaryna Shortandy aýdandyq polıtsııa bóliminiń qyzmetkerleri, Tótenje jaǵdaılar bóliminiń qyzmetkerleri men eriktiler jumyldyryldy. Polıtseıler beınebaqylaý kameralarynyń jazbalaryn zerttedi, qonaq úıler, jalǵa alynǵan páterler, qaraýsyz qalǵan qurylystar, saıajaı massıvteri, qoǵamdyq kólik júrgizýshileri jáne jeke tasymaldaýmen aınalysatyn taksı júrgizýshilerimen jumys júrgizilýde», - dedi vedomstvodan.
Osy rette, polıtsııa qyzmetkerleri joǵalǵan adam týraly qandaıda bir málimeti adamdarǵa 102 telefonyna habarlaýdy suraıdy.
