Aqmola oblysynda er adam dosyn sabap óltirgen
KÓKShETAÝ. QazAqparat - Aqmola oblysynda dosy ólimshi etip sabaǵan 44 jastaǵy er adam kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 31 tamyzda Makınsk qalasynyń 44 jastaǵy turǵyny túrli dene jaraqaty aýrýhanaǵa túsken.
Er adamnyń sózinshe, ony bir top jas jigit jabylyp ony urǵan. Osyǵan oraı, tártip saqshylary kúdiktilerdi izdeý sharalaryn qolǵa aldy. Arada birer kún ótkennen keıin er adam alǵan dene jaraqatynan kóz jumdy. Alaıda, keıin anyqtalǵandaı er adam túsiniktemesinde jastardan zardap shektim dep jalǵan sóılegen.
«Eki apta boıy júrgizilgen jedel-izdestirý sharasy kezinde kúdikti marqumnyń 46 jastaǵy tanysy ekeni anyqtaldy. Ekeýi 30 tamyz kúni qosylyp ishimdik ishken. Sosyn ekeýara kıkiljiń týyp, sońy tóbeleske ulasqan. Tóbelesten 44 jastaǵy er adam dene jaraqatyn aldy. Keıin kúdikti qylmysyn jasyrýǵa tyrysqan, al dene jaraqtynan kóz jumǵan er adamnyń ózi «dosyn» jaýapkershilikten alyp qalmaq bolǵan. Qazirgi kezde, kúdiktiniń ústinen QR QK 106-babynyń 3-bóligi boıynsha is qozǵalyp, sotqa deıingi tergeý amaldary júrgizilýde», - deıdi vedomstvonyń baspasóz qyzmeti.
