Aqmola oblysynda eń úzdik eńbek áleýeti anyqtaldy
KÓKShETAÝ. QazAqparat – Aqmola oblysynda «Eńbek joly» oblystyq baıqaýynyń qorytyndysy shyǵarylyp, júldegerleri birneshe atalym boıynsha marapattaldy, dep habarlaıdy QazAqparat tilshisi oblystyq ishki saıasat basqarmasyna silteme jasap.
Jalpyǵa Ortaq Eńbek Qoǵamy ıdeıasyn nasıhattaý, jastardyń eńbekke jeteleý, eńbek dástúrlerin saqtaý jáne kóbeıtý maqsatynda ótkizildi.
Oblystyq eńbek ınspektsııasy basqarmasynyń málimetinshe, baıqaý jyl saıyn elimizde ótkizilip turady. Bıyl karantındik sharalardyń qoldanylýyna baılanysty is-sharanyń respýblıkalyq kezeńi keıinge qaldyryldy. Baıqaýǵa qatysýǵa 18 qatysýshy ótinim berdi. Memlekettik mekemeler, aýmaqtyq kásipodaqtar birlestigi jáne óńirlik kásipkerler palatasynyń ókilderinen quralǵan komıssııa músheleri baıqaý jeńimpazdary men júldegerlerin anyqtady.
«Úzdik eńbek áýleti» atalymy boıynsha Atbasar aýdanynyń Plaksınder áýleti jeńip aldy.
«Jumys isteıtin jastardyń úzdik tálimgeri» atalymynda Şýchınsk qalasynyń №11 IT - mektebiniń qazaq tili men ádebıeti pániniń muǵalimi Aıman Ábdrahmanova birinshi oryndy ıelendi.
«Óndiristiń úzdik jas mamany» atalymy boıynsha «Stepnogorsk Teplotranzıt» JShS 5 - razrıadty baqylaý-ólsheý aspaptary jáne avtomatıka boıynsha slesari Tatıana Krylyshkına jeńimpaz atandy.
«Bizdiń eńbek áýletimizdiń «Eńbek joly» baıqaýynda jeńiske jetkenine óte qýanyshtymyn. Bizdiń áýlettiń jalpy pedagogıkalyq ótili 97 jyldy quraıdy. Atbasar №3 orta mektebinde orys tili men ádebıeti pániniń muǵalimi bolyp jumys isteımin. Meniń atam men anam osy mektepte 40 jyldan astam ýaqyt eńbek etti», - deıdi áýlettiń ókili ıÝlııa Plaksına.
Jeńimpazdar men júldegerler dıplom, alǵys hat jáne baǵaly syılyqtarmen marapattaldy.
