Aqmola oblysynda eń úzdik egizder juby anyqtaldy
KÓKShETAÝ. QazAqparat - Aqmola oblysynda egizder baıqaýy ótti, dep habarlady oblystyq ishki saıasat basqarmasynyń baspasóz qyzmetinen.Arshaly aýdanynda uıymdastyrylǵan «Eki tamshydaı» baıqaýynda egizder ózderiniń shyǵarmashylyq, sporttyq, ıntellektýaldyq, qoldanbaly-óner, sýret salý ónerlerin ortaǵa saldy.
Baıqaý bastalmas buryn qatysýshylardyń foto sýretteri men óner týyndylary qoıylǵan kórme uıymdastyryldy. Onda baıqaý kórermenderi men qonaqtary egizderdiń otbasylyq sýretterin tamashalady.
Alǵashqy týr da qatysýshylar ózderi týraly beınerolık kórsetip, áńgimelep berse, ekinshi týr da «Bir-birińdi jaqsy bilesińder me?» degen saýalǵa egizder ózderiniń syńarlary týraly keńinen aıtyp berdi.
Qorytyndy saıysta barlyq qatysýshylar «Naǵyz egizder» taqyrybynda óz shyǵarmashylyq nómirlerin ortaǵa saldy.
Nátıjesinde 16 egiz jup qatysqan baıqaý qorytyndysyna saı «Eń úzdik dýet» atalymy boıynsha Anton jáne Artem Denısenkolar jeńimpaz atansa, «Bizdiń túrimiz bir» atalymy Angelına jáne Karına Bogatyrevaǵa, «Gratsııa ı stıl» atalymy Ksenııa jáne Natalıa Sıdor, «Jyl egizderi» atalymy Anastasııa jáne Anna Smırnovaǵa, «Sportshy» atalymy Dııas jáne Dılıas Qaýǵabaevtarǵa buıyrdy. 
