Aqmola oblysynda eń úzdik Aıaz ata anyqtalady
KÓKShETAÝ. QazAqparat - Shýche-Býrabaı kýrorty aımaǵynda «SantaFest-2018» festıvali ótedi, dep habarlaıdy QazAqparat tilshisi.
«Visit Aqmola» týrıstik aqparat ortalyǵynyń málimeti boıynsha, Býrabaı kýrortynyń tanymaldylyǵyn arttyrý jáne eń úzdik Aıaz atany anyqtaý maqsatynda 5 qańtar kúni QR Prezıdenti Іs basqarmasyna qarasty «Býrabaı Damý» jaýapkershiligi shekteýli seriktestiginiń «BurabayLand» oıyn-saýyq saıabaǵynda «SantaFest-2018» festıvali ótedi.
«Festıvaldiń bastalýy saǵat 12:00-ge josparlanǵan. Qatysýshylar ózderi ázirlegen (oıyn, án, ertegi, bı) baǵdarlamany usynady. Eń úzdik Aıaz ata halyqtyń daýys berýi arqyly anyqtalatyn bolady», - dedi Týrıstik aqparat ortalyǵynan.
Belgili bolǵandaı, festıvalǵa Aıaz atanyń obrazyn somdaıtyn kez kelgen akter qatysa alady. Qatysýshylar óz baǵdarlamalaryn ázirleýi tıis, sondaı-aq qoıylymdaryn súıemeldeý úshin ózderiniń elfter komandasyn ákelýlerine bolady. Festıval qorytyndysy boıynsha eń úzdik Aıaz ata anyqtalyp, baǵaly syılyqpen marapattalady.
