Aqmola oblysynda elorda turǵynyn kólik qaǵyp, mert qyldy
KÓKShETAÝ. QazAqparat – Aqmola oblysynda adamdy kóligimen qaǵyp óltirip, oqıǵa ornynan qashyp ketken júrgizýshi ustaldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, 8 qyrkúıekte túngi saǵat eki shamasynda Atbasar aýdandyq PB kezekshilik bólimine jergilikti turǵyn qońyraý shalyp, Nurseıitov kóshesiniń boıynda kólik soqqan adamnyń jatqandyǵyn habarlaǵan.
«Oqıǵa ornyna jetken tártip saqshylary «VAZ-2110» kóliginiń júrgizýshisi 43 jastaǵy jaıaýdy qaǵyp, artynsha qashyp ketkenin anyqtady. Zardap shegýshi – Nur-Sultan qalasynyń turǵyny sol jerde kóz jumdy. Sot-medıtsınalyq saraptama qorytyndysy boıynsha er adamnyń jol apatynan alǵan dene jaraqatynan qaza bolǵany anyqtaldy», - deıdi vedomstvodan.
Departamentten atap ótkendeı, sol kúni túngi saǵat 02:15 shamasynda qashqan júrgizýshini izdestirý jumysy qolǵa alynyp, oǵan Atbasar aýdandyq PB jeke quramy, Aqmola oblystyq PD jol-patrýldik batalony men kúshteri tartyldy.
«Іzdestirý sharasy kezinde Atbasar qalasynyń 26 jastaǵy turǵyny ustaldy. Er adam óz kinásin moıyndady. Onyń buǵan deıin de buzaqylyq boıynsha qylmystyq jaýapqa tartylǵany anyqtaldy», - dep tolyqtyrdy polıtseıler.
