Aqmola oblysynda elektr transformatoryn tonap ketkender ustaldy
KÓKShETAÝ. QazAqparat - Aqmola oblysynda elektr transformatoryn tonap, 37 mln teńge shyǵyn keltirgen kúdiktiler ustaldy. Bul týraly oblystyq ІІD baspasóz qyzmetinen habarlady.
Polıtseılerdiń málimeti boıynsha 2016 jyldyń qyrkúıek aıynda Kókshetaý qalalalyq ІІB osy jyldyń maýsym aıynda oblys ortalyǵyndaǵy «Jansaıa» turǵyn úı kesheni aýmaǵynda stansa aralyq transformatordan 13 dana vakýmdy ajyratqyshty urlap ketkeni týraly aryz tústi. Osyǵan baılanysty QR QK 188 babynyń 2 bólimi boıynsha «urlyq» qylmystyq is qozǵaldy.
«Jedel izdestirý sharasy barysynda kúdikti 28 jastaǵy qostanaılyq qolǵa tústi. Tergeý barysynda onyń buryn múlik urlyǵy úshin sotty bolǵany jáne eki sybaılasy Shortandy jáne Zerendi aýdandarynyń turǵyndary qolǵa tústi. Keıin taǵy bir sybaılasy Qostanaı oblysy Áýlıekól aýylynyń turǵyny ustaldy. Qazirgi kezde, kúdiktiler qylmysyn tolyq moıyndady.
Sonymen qatar, kúdiktilerdiń 2014 jyly atalǵan «Jansaıa» turǵyn úı keshenindegi joǵary volti qondyrǵynyń 17 dana qosalqy bólshegi, mys dóńgelegi jáne elektrli avtomaty jymqyryp, 37 000 000 teńge shyǵyn keltirgeni áshkerelenip, zattaı aıǵaqtar tárkilendi. Oǵan qosa, 2015 jyly «QazMunaıGaz» janar-jaǵarmaı quıý stansasy men Qan quıý ortalyǵynda tonap ketkeni anyqtaldy.
Qazirgi kezde, tergeý amaldary jalǵasýda», dep kórsetilgen habarlamada.
