Aqmola oblysynda EKSPO-da usynylǵan tehnologııalar engiziledi
Bul týraly Memleket basshysynyń "Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýy talqylanǵan oblys aktıvinde Aqmola oblysynyń əkimi Məlik Myrzalın atap ótti, dep habarlaıdy QazAqparat tilshisi.
Aımaq basshysynyń sózinshe, bul - memlekettik jekeshelik áriptestik aıasyndaǵy «Global Gas Group» kompanııasymen jáne «Gazprom Eksport» ashyq qoǵamdyq birlestigimen birge Aqmola oblysyn keshendi gazdandyrý jobasy, Ereımentaý aýdanyndaǵy qýaty 100 MVt jel parkiniń qurylysy («Tsamek Creen Energy»). Sondaı-aq, laı sýdy tazalaýdyń zamanaýı tehnologııasyn jáne onyń hımııalyq dezınfektsııasyn, «Kókshetaý Sý Arnasy» memlekettik kommýnaldyq kásiporny ǵımarattarynda tikeleı gıdrotýrbınamen az qysymdy shaǵyn gıdroelektr stantsııasy qurylymynyń ınnovatsııalyq ázirlemesin jasaý negizinde «jasyl» energııa óndirisin, «AREK» aktsıonerlik qoǵamynyń elektr taratý júıesinde «Smart Girds» kompıýterlik baqylaý tehnologııasyn qoldaný múmkindigi zerttelýde. Oǵan qosa, ónerkásip kásiporyndarynda energııa tıimdiligin arttyrý maqsatynda jaryq jáne jylý júıesi jańartylýda.
"EKSPO-2017 kórmesinde usynylǵan jobalardy esepke alyp, balamaly energetıka salasynda jobalardy izdestirý, «Jasyl tehnologııany» qoldaný jumysyn jalǵastyrý qajet. Búgingi tańda turǵyn úı-kommýnaldyq jáne ónerkásip salasynda bul tehnologııalardy qoldaný belsendiligi baıqalady. Qala men aýdan ákimdikteri alynatyn resýrstardyń úlesin, sondaı-aq, energııa tıimdiligin arttyrýǵa, shaǵyn jáne orta bıznes sýbektilerin tartýmen qatty turmystyq qaldyqtardy qaıta óńdeýdi kóbeıtýge múmkindik beretin aqparattyq-tehnologııalyq sheshimdi engizý boıynsha shara qabyldaýy qajet", - dedi aımaq basshysy óz sózinde.
