Aqmola oblysynda eks-əkimniń ústinen eki birdeı is qozǵaldy
KÓKShETAÝ. QazAqparat - Aqmola oblysyndaǵy Esil aýdany Kýrsk aýylynyń burynǵy əkimi V. Rogoznyıdyń ústinen eki birdeı sotaldy óndiristik is qozǵaldy, dep habarlaıdy QazAqparat tilshisi ІІD baspasóz qyzmetine silteme jasap.
"Aǵymdaǵy jyldyń 17 naýryzynda Esil qalasyndaǵy aýdandyq aýrýhanasyna 02.04.1971 jyly týǵan Barjaqsy Beksultanuly Jamyshev esimdi adam «Jabyq mı súıegi jaraqaty, aýyr deńgeıdegi mı soqqysy, sol jaq mańdaı súıeginiń synyǵy» dıagnozymen túsken. Er adam arada 5 kún ótken soń 22 naýryzda kóz jumdy", deıdi baspasóz qyzmetinen.
Marqumnyń týystary Barjaqsynyń ólimine Esil aýdany Kýrsk selosynyń burynǵy əkimi V.Rogoznyı kinəli dep otyr. Sol sebepti oǵan qatysty sot aldy tergeý amaldary qolǵa alynyp otyr.
"Qazirgi kezde B.B.Jamyshevtiń ólimine baılanysty V.Rogoznyıdyń ústinen QR QK 105 babynyń 1 bóligi boıynsha (ózin ózi óltirýge ıtermeleý) sot aldy tergeý amaldary júrgizilýde.
Naqty sheshim júrgizilgen saraptama qorytyndysy men istiń mən-jaıy anyqtalǵannan keıin ǵana shyǵarylady.
Zardap shekken jaqtyń ókili .B. Tasemenovanyń aryzy boıynsha sottyq-medıtsınalyq saraptama taǵaıyndaldy. Qazirgi kezde, saraptama qorytyndysy əli daıyn emes", dep túsindirdi baspasóz qyzmetindegiler.
Sonymen qatar, V.Rogoznyıdy ústinen QR QK 346 babynyń 1 bóligi boıynsha (kólik júrgizý quqynan aıyrylǵan tulǵanyń kólik basqarý) sot aldy tergeý amaldary júrgizilýde.
Eske sala keteıik, jaqynda osy oqıǵaǵa baılanysty Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqmola oblysy boıynsha departamenti Ádep jónindegi keńesiniń otyrysy ótti. Onda keńes músheleri V.Rogoznyıdy QR «QR Memlekettik qyzmet týraly» Zańynyń 10 babynyń 8 bóligi 1 bólimi, QR Melekettik qyzmetshiniń Ádep kodeksiniń birqatar erejelerin buzǵanyn anyqtap, Esil aýdanynyń Kýrsk selosy ákimi laýazymynan bosatý týraly uıǵarymǵa kelgen bolatyn.
