Aqmola oblysynda ekologııalyq zańnamanyń 28 ret buzylǵany anyqtaldy
KÓKShETAÝ. QazAqparat - Aqmola oblysynda jyl basynan beri ekologııalyq zańnamanyń 28 ret buzylǵany anyqtaldy. Osyǵan baılanysty jalpy somasy 2,1 mıllıon teńgeden astam 18 əkimshilik aıyppul salyndy, dep habarlaıdy QazAqparat tilshisi oblystyq ekologııa departamentine silteme jasap.
Vedomstvonyń deregi boıynsha, qorshaǵan ortany qorǵaý búginde búkilálemdik mańyzy bar máselelerdiń birine aınalyp otyr. Qalyptasqan ekologııalyq máselelerdi sheshýge Aqmola oblysy boıynsha ekologııa departamenti de udaıy nazar aýdaryp keledi. Aqmola agrarly – ónerkásip oblysy bolǵandyqtan óńirdiń ekologııalyq ahýaly osy eki salaǵa tikeleı baılanysty. Oblysta tabıǵatty paıdalanatyn 5113 kásiporyn tirkelgen.
«Aǵymdaǵy jyldyń birinshi toqsanynyń qorytyndysy boıynsha, 8302 myń tonna zııandy zattyń tastalǵany anyqtaldy. Degenmen, bul kórsetkishten byltyrǵy jyldyń sáıkes kezeńmen salystyrǵanda birshama azaıǵanyn kórýge bolady. Sonymen birge, jyl basynan beri ekologııa departamentiniń qyzmetkerleri júrgizgen tekseris barysynda ekologııalyq zańnamany buzýdyń 28 jaǵdaıy anyqtalyp, jalpy somasy 2,1 mıllıon teńgeden astam 18 əkimshilik aıyppul salyndy. Sondaı-aq, qorshaǵan ortaǵa keltirilgen 571,1 myń teńge shyǵyndy qaıtarý jóninde talap qoıylyp, 4 eskertý jasaldy», deıdi vedomstvodan.
