Aqmola oblysynda eki polıtsııa qyzmetkeriniń ólimine kináli adamǵa sot úkimi shyqty
KÓKShETAÝ. QazAqparat - Býrabaı aýdandyq soty ótken jyldyń qazan aıynda Şýche qalasynda jol aptanynan mert bolǵan eki polıtsııa qyzmetikeriniń ólimine kináli Sergeı Vorontsovqa qatysty QR QK 200-babynyń 3-bóligi, 346-babynyń 6-bóligi boıynsha aıyptaý úkimin shyǵardy, dep habarlaıdy QazAqparat tilshisi Aqmola oblystyq sottyń baspasóz qyzmetine silteme jasap.
Vedomstvonyń málimetinshe, sot S.Vorontsovtyń buryn kólik quraldaryn basqarý quqyǵynan aıyrylǵanyn anyqtady. 2020 jyldyń 14 qazanynda mas kúıinde ol anasynyń kóligin ıemdendi. Osy kólikti basqara otyryp, Vorontsov baǵdarshamnyń tyıym salatyn belgisine qaramastan saǵatyna 120 km-den astam jyldamdyqpen ótip, polıtsııanyń qyzmettik kóligimen soqtyǵysqan. Nátıjesinde eki polıtsııa qyzmetkeri qaza taýyp, Vorontsov kóliginiń eki jolaýshysynyń densaýlyǵyna zııan keldi. Polıtsııa kóligine zaqym keltirý saldarynan kelgen shyǵyn 2 893 000 teńgeni qurady.
Vorontsovtyń kinási avtokólik jolaýshylarynyń, jol-kólik oqıǵasy bolǵan jerge kelgen polıtsııa qyzmetkerleriniń aıǵaqtarymen dáleldendi. Olar Vorontsovtyń júrgizýshi ornynda bolǵanyn jáne kólikti basqarǵanyn kórsetti. Іs boıynsha barlyq qajetti saraptamalar júrgizildi.
«Sot Vorontsovqa ortasha qaýipsizdik mekemesinde jazasyn óteý men 15 jylǵa bas bostandyǵynan aıyrý jazasyn taǵaıyndady. Ol ómir boıy kólik quraldaryn basqarý quqyǵynan aıyryldy», - dedi vedomstvodan.
Sonymen birge, qaza tapqan polıtsııa qyzmetkerleriniń árbir otbasyna moraldyq zııandy óteý esebinen 10 mıllıon teńge, polıtsııa bóliminiń paıdasyna keltirilgen materıaldyq zalal óndirildi.
Vorontsovqa alkogolızmnen májbúrlep emdeý taǵaıyndaldy.
Sot úkimi zańdy kúshine engen joq.
