Aqmola oblysynda eki órt sóndirý beketi ashyldy

Onyń biri Tselınograd aýdanynyń Jańaesil aýylynda bolsa, ekinshisi Shortandy aýdanynyń Petrovka aýylynda paıdalanýǵa berildi, dep habarlaıdy QazAqparat tilshisi aımaqtyq Tótenshe jaǵdaılar departamentiniń baspasóz qyzmetine silteme jasap.

«Petrovka aýylyndaǵy órt beketi 45 shaqyrym qashyqtyqta ornalasqan. Sondyqtan, ol tótenshe jaǵdaılar bolǵan kezderi órt sóndirýshilerge biraz qıyndyqtar týǵyzyp keldi. Ásirese, qystyń borany men jazdyń jańbyrly kúnderi múldem qıynǵa soǵatyn edi. Endi mine, jergilikti atqarýshy organdardyń kómegimen ashylyp otyrǵan beket pen jańadan jasaqtalǵan komanda tótenshe jaǵdaıǵa tap bolǵan Petrovka aýyly men jaqyn mańdaǵy eldi meken turǵyndaryna kómek kórsetetin bolady», - deıdi Aqmola oblystyq TJD bastyǵy Alekseı Sovetov.

«Petrovka aýylyndaǵy beket GAZ-53 órt sóndirý avtotsısternasy, sıymdylyǵy 2000 tekshe metr órt sóndirý quraly jáne 4 adamdyq jeke quramnan turady. Beket 1600 turǵyny bar Novokavkazskoe, Qara-Adyr jáne Petrovka aýylyndaryna qyzmet kórsetedi.

Al, Tselınograd aýdanyndaǵy Jańaesil aýylyndaǵy órt sóndirý beketinde 4 adam jumys isteıdi. Nysan telefon baılanysy, jylytylatyn bokspen jabdyqtalǵan», - deıdi vedomstvonyń baspasóz qyzmetindegiler.