Aqmola oblysynda eki náresteni analary ólimge qıǵan
KÓKShETAÝ. Naýryzdyń 18-i. QazAqparat /Janmurat Janaıdarov/ - Aqmola oblysynda aǵymdaǵy jyldyń naýryz aıynda aman-saý dúnıege kelgen eki náresteni analary ólimge qıǵan,
dep habarlaıdy QazAqparat tilshisi oblystyq ishki ister departamentiniń baspasóz qyzmetine silteme jasap.
Kókshetaý qalasynda jylý júıesi qubyrynyń astynan náresteniń oralǵan máıiti tabyldy. Qazirgi kezde adam janyn túrshiktiretin qylmystyq oqıǵa boıynsha tergeý amaldary jalǵastyrylýda. Osy aıdyń basynda Tselınograd aýdanyna qarasty Qaraótkel aýylynda dúnıege kelgen sábıdiń máıiti qora syrtynda qar astynan tabylǵan bolatyn. Polıtsııa qyzmetkerleriniń jiti is-áreketi nátıjesinde onyń anasy osy aýyldyń týmasy, elordadaǵy kolledj stýdenti bolyp shyqty.
