Aqmola oblysynda eki kúnde 5 adam sýǵa batyp, 8 adam qutqaryldy
Oblystyq Tótenshe jaǵdaılar departamenti baspasóz qyzmetiniń málimetinshe, qaıǵyly jaǵdaı Stepnogor qalasy men Tselınograd, Sandyqtaý aýdandary aýmaǵynda oryn alǵan.
«Tamyzdyń 21-de Sandyqtaý aýdanynyń Lesnoe aýylynan 1 shaqyrym jerdegi Jylymdy ózenine 2008 jylǵy qyz batyp ketti. Ol anasymen ózenniń jaǵasynda júrip bara jatqanda jardan qulaǵan. Sol kúni Talapker aýylynda ruqsat etilmegen jerde sýǵa shomylmaqshy bolǵan 2005 jylǵy jasóspirim ózenge aǵyp ketti.
Budan bólek, Stepnogor qalasy men Tselınograd aýdanynda 1975,1992 jylǵy er adam jáne 1979 jylǵy áıel sýǵa ketti. Kýágerlerdiń sózinshe, úsheýi de ruqsat etilmegen jerde sýǵa shomylǵan, onyń ekeýi alkogoldik ishimdik ishken», - dedi vedomstvodan.
Sonymen qatar, Tótenshe jaǵdaılar departamentiniń baspasóz qyzmetinen atap ótkendeı, demalys kúnderi úrlemeli matras jáne qaıyqpen jaǵadan alys júzip ketken Zerendi aýdanynda 6 adam, Býrabaı aýdanynda 2 eki adam sýdan qutqaryldy.
Aıta ketsek, jalpy, sýǵa shomylý maýsymy bastalǵannan beri qutqarýshylar 81 adam qutaqyrylsa, onyń 11 bala. Sondaı-aq, 20 azamatqa alǵashqy dárigerlik kómek kórsetildi.
