Aqmola oblysynda eki kóliktiń soqtyǵysýynan 3 adam ajal qushty
KÓKShETAÝ. QazAqparat - Aqmola oblysynyń Zerendi aýdany aýmaǵynda jol-kólik oqıǵasy oryn alyp, 3 adam ajal qushty, dep habarlaıy QazAqparat tilshisi.
ІІD baspasóz qyzmetiniń málimeti boıynsha, 17 qazan kúni Elenovka aýylynan 10 shaqyrym qashyqtyqtaǵy «Kókshetaý-Rýzaevka» tas jolynyń boıynda «Lexus RX-330» jáne «Toyota Land Cruizer Prado» jol talǵamaıtyn kólikteri soqtyǵysqan.
Keıin belgili bolǵandaı 28 jastaǵy jigit tizgindegen birinshi kólik joldyń qarsy baǵytyna shyǵyp ketip, ekinshi kólikpen betpe-bet soǵylǵan. Ekinshi kóliktiń rólinde 33 jastaǵy SQO Aıyrtaý aýdany Aryqbalyq aýylynyń turyǵyny otyrǵan. Jol apaty saldarynan qos kóliktiń júrgizýshileri men bir jolaýshy oqıǵa ornynda kóz jumdy. «Toyota Land Cruizer Prado» kóliginde otyrǵan taǵy bir jolaýshy túrli dene jarqatymen Aqmola oblystyq aýrýhanasyna jatqyzyldy.
«Qazirgi kezde adam ólimine ákelip soqtyrǵan jol-kólik oqıǵasyna baılanysty birqatar saraptama taǵaıyndalyp, QR QK 345-baby boıynsha sotqa deıingi tergeý amaldary júrgizilýde» dep túsindirdi polıtseıler.
