Aqmola oblysynda eki kólik soqtyǵysyp, úsh adam tirideı janyp ketti
Oblystyq polıtsııa departamenti baspasóz qyzmetiniń málimetinshe, jol apaty qyrkúıektiń 24-inde «Stepnogor - Zavodskoı» jolynda bolǵan.
«Anyqtalǵanyndaı, Zavodskoı baǵytynda júrip bara jatqan «Lada Kalina» kóligi joldyń qarsy baǵytyna shyǵyp ketip, «Nissan Teana» kóligimen betpe-bet soqtyǵysqan. Saldarynan «Lada Kalina» kóligi órtenip, júrgizýshisi men eki jolaýshysy kóz jumdy. Al, «Nissan Teana» kóliginiń júrgizýshisi men jolaýshysy Stepnogor qalalyq aýrýhanasynyń jansaqtaý bólimine jatqyzyldy», - dedi vedomstvodan.
Departamenttiń baspasóz qyzmetinen atap ótkendeı, qazirgi kezde bul derek Qylmystyq kodekstiń 345-babynyń 4-bóligi boıynsha sotqa deıingi tergeýdiń biryńǵaı tizilimine alyndy.
Aıta ketsek, «Astana-Petropavl» trassasynda qaraǵandylyq baıker jol apatynan mert bolǵan edi.
