Aqmola oblysynda eki kólik soqtyǵysyp, bir adam kóz jumdy, bes adam aýrýhanaǵa tústi
KÓKShETAÝ. QazAqparat - Aqmola oblysynda Aqmola oblysynda «Kókshetaý-Qostanaı» tas jolynda eki kólik soqtyǵysyp, 41 jastaǵy jolaýshy kóz jumdy, taǵy 5 adam túrli dene jaraqatymen aýrýhanaǵa jatqyzyldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, jol-kólik oqıǵasy «Kókshetaý-Qostanaı» avtojolynyń 25 shaqyrymynda, ıaǵnı Elenovka aýylynyń mańynda bolǵan. Bul týraly aǵymdaǵy jyldyń 22-shi qazanynda saǵat 16:15-te Zerendi APB kezekshi bólimine habar túsken.
Anyqtalǵandaı, Qostanaı qalasyna baǵyt alǵan «Volkswagen Golf» avtokóliginiń 34 jastaǵy júrgizýshisi (Nur-Sultan qalasynyń turǵyny) rýldi basqara almaı, joldyń qarsy baǵytyna shyǵyp ketip, Qostanaı qalasynyń 55 jastaǵy turǵyny basqarýǵan «KIA Sportage» avtokóligimen betpe-bet soqtyǵysty.
«Saldarynan alǵan dene jaraqattarynan «Volkswagen Golf» kóliginiń jolaýshysy Nur-Sultan qalasynyń 41 jastaǵy turǵyny oqıǵa ornynda kóz jumdy. Budan bólek, Aqmola oblystyq aýrýhanasyna túrli dene jaraqatymen «Volkswagen Golf» avtokóliginiń júrgizýshisi men eki jolaýshysy, «KIA Sportage» markaly avtokóliginiń júrgizýshisi men jolaýshysy jetkizildi», - dedi vedomstvodan.
