Aqmola oblysynda eki aýdanǵa gaz jetkizýge 100 mln teńge bólindi

KÓKShETAÝ. QazAqparat - Aqmola oblysynda Arshaly jáne Tselınograd aýdandary aýmaǵyndaǵy eldi mekenderdi gazdandyrý jobasy júzege asyrylýda, dep habarlaıdy QazAqparat tilshisi.

Óńirde «Saryarqa» magıstraldy gaz qubyrynyń qurylysy boıynsha jol kartasy ázirlendi. Mamyr aıynda oblystyq bıýdjetten gaz taratý jelisin ázirleý úshin 100 mıllıon teńge bólinip, «Qyzylorda – Astana» gazqubyryna jaqyn ornalasqan eldi mekenderge qatysty jobalaý-smetalyq qujattamalar ázirlendi.

Arshaly aýdanyndaǵy 17 eldi mekenge: Anar, Donetskıı, Túrgen, Birsýat, Baıdala, Arshaly, Aqbulaq, Aqtasty, Ijevskıı, Shóptikól, Babataı, Arnasaı, Volgodonovka, 42-razezd, Qoıgeldi, Jaltyrkól, Jibek joly aýyldaryna gaz tartý úshin 56,1 mıllıon teńge bólindi.

Al, Tselınograd aýdany Talapker, Qoıandy jáne Shubar aýyldaryna 43,9 mıllıon teńge kózdelgen.

Sonymen qatar, Tselınograd jáne Arshaly aýdandarynda 151 myń turǵyny bar 44 eldi mekenge gaz tartý qarastyrylǵan. Qurylys jumystarynyń «Astana – Kókshetaý» aýmaǵyndaǵy gaz tartýdyń ekinshi kezeńi 2022 jyly qolǵa alynbaqshy.