Aqmola oblysynda egin jınaý naýqany qyzý júrip jatyr
ASTANA. QazAqparat - Aǵymdaǵy jyly oblys boıynsha astyq daqyldaryn 15,1 mln gektar egis tanabynan jınaý josparlanýda. Búgingi kúni 3,1 mln ga (21%) jerden astyq jınaldy. QazAqparat tilshisi QR Aýyl sharýashylyǵy uıymdastyrǵan baspasóz týryna qatysyp, Aqmola oblysy, Tselınograd aýdanyndaǵy egin jınaý barysyna kýá boldy.
Jalpy bıyl respýblıka boıynsha bıdaı jınaý kólemi 20 mln tonnadan asady dep boljanýda.
Eksperttik əleýet 9 mln tonna deńgeıinde baǵalanyp, onyń ishinde 6,0 tonnasy bıdaı túrinde, 2,1 mln tonna un dep eseptelýde. Ótken jyldar sııaqty bıdaı ónimderiniń eksporttyq kólemi, qazaqstandyq bıdaıdy dəstúrli ımporttaýshy memleketter, ıaǵnı Ortalyq Azııa elderi men Aýǵanstannyń jáne Irannyń úlesinde. Sonymen qatar bıdaıdyń belgili kólemderi Qytaı, Italııa, Túrkııa naryqtaryna jetkiziletin bolady.
Respýblıkada bıdaı saqtaýdyń jalpy syıymdylyǵy 26,7 mln tonnany quraıdy, onyń ishinde 13,7 mln tonnasy nan qabyldaýshy kásiporyndarda, al 13 mln tonna bıdaı aýyl sharýashylyq taýar óndirýshilerde.
Búgingi aýa raıynyń qolaısyzdyǵyna qaramastan Aqmola oblysynyń, Tselınograd aýdanynda astyq jınaý naýqany qarqyndy júrip jatyr.
Aýdan boıynsha 2018 jyly aýyl sharýashylyǵy taýar óndirýshileri aýmaǵy 202 021,6 gektardy quraıtyn dándi jáne burshaqty daqyldardy jınaıdy. Onyń ishinde 17 037 ga maıly daqyldar, 10 239 ga birjyldyq shóp, 289 ga kartop, 185 ga kókónis bar. 
«Osy turǵyda aýdanymyzdyń aýyl sharýashylyq qurylymyna kúzgi dala jumystaryn júrgizý úshin bekitilgen baǵamen 3900 tonna dızel otyny bólindi», - dedi Aqmola oblysy, Tselınograd aýdanynyń ákimi Malǵajdar Tátkeev.
Sonymen qatar aýdan ákimi tamyz aıynyń aıaǵy jańbyrly bolýynan dándi daqyldardy jınaý 10-12 kúnge toqtatylǵanyn, degenmen qolaısyz aýa-raıyna qaramastan egindi jınaý jumystary qarqyndy júrip, eshqandaı dándi daqyldardyń shashylýy, qulaýy nemese jaramsyz bolýǵa soqtyratyn jaǵdaıdyń oryn almaǵanyn tilge tıek etti.
«Búgingi tańda 543 astyq jınaý kombaıny jumys isteýde, onyń 101-i zamanaýı joǵary ónimmen jınaıtyn kombaın, odan bólek 126 traktor jáne 116 avtokólik bar», -dedi aýdan ákimi.
Dándi daqyldardy jınaýdyń kúndelikti ónimdiligi 10 500 gektardy quraıdy. Osy qarqynmen jumys toqtaýsyz júrgen jaǵdaıda aýyl sharýashylyǵy mamandary dándi daqyldardy 19-20 kúnde aıaqtaýdy kózdep otyr. Sonyń nátıjesinde 29 myń tonna astyq jınaý josparlanýda.
