Aqmola oblysynda egin sebý jumystary aıaqtaldy
KÓKShETAÝ. QazAqparat - Aqmolalyq dıqandary kóktemgi dala jumystaryn aıaqtady, dep habarlaıdy QazAqparat tilshisi.
Aqmola oblysynyń aýyl sharýashylyǵy basqarmasynyń málimetinshe, óńir dıqandary 4 mıllıon 982,2 myń gektar alqapqa tuqym sebý jumystaryn tolyq aıaqtap shyqty.
«Bıylǵy jyly 4,5 mıllıon gektarǵa dándi jáne burshaq daqyldary, 223,5 myń gektar alqapqa maıly daqyldar, 189,9 myń gektarǵa azyqtyq daqyldar sebildi. Kartop pen kókónis te tolyq otyrǵyzyldy. Dıqan qaýymy dándi daqyldardan mol ónim alýǵa nıettenip otyr», - delingen vedomstvonyń habarlamasynda.
