Aqmola oblysynda egin oraǵy naýqany aıaqtalyp keledi
KÓKShETAÝ. QazAqparat - Óńirde egin oraǵy jumystary qarqyndy júrip jatyr. Bıyl dıqandar 4,5 mıllıon gektar alqaptan dándi jáne dándi burshaq daqyldaryn jınaýda, dep habarlaıdy QazAqparat tilshisi oblystyq ishki saıasat basqarmasyna silteme jasap.
Vedomstvonyń málimetinshe, oblystyń astyqty aýdandarynyń birinde astyq jınaý jumystary aıaqtaldy. Bıylǵy jylǵy jaýyn-shashynnyń bolmaýy jáne dándi daqyldardyń vegetatsııalyq kezeńinde joǵary temperatýranyń bolýyna qaramastan Esil aýdanynyń dıqandary 438,2 myń gektar egistik alqaptan gektarynan 306,7 myń tonna astyq jınady.
«Aýyl sharýashylyǵy basqarmasynyń aqparaty boıynsha, jınalǵan alqap 4,3 mıllıon gektardan asty, 3,7 mıllıon tonnadan astam astyq bastyryldy. Jalpy, aımaqta egin jınaý jumystary aıaqtalyp keledi. Aldaǵy kúnderi Atbasar, Jarqaıyń jáne Jaqsy aýdandary naýqandy máresine jetkizedi», - dedi vedomstvodan.
Aıta ketsek, Aqmola oblysy Qazaqstanda ósiriletin bıdaıdyń tórtten bir bóligin óndiredi. Jyl saıyn Aqmola bıdaıy jaqyn jáne alys shetelderge eksporttalady.
