Aqmola oblysynda egin oraǵy aıaqtalýǵa jaqyn
KÓKShETAÝ. QazAqparat - Aqmola oblysynyń ákimi Məlik Myrzalın jumys saparymen Zerendi jəne Sandyqtaý aýdandarynda boldy, dep habarlaıdy QazAqparat tilshisi əkimdiktiń baspasóz qyzmetine silteme jasap.
Óńir basshysy aldymen, «Vıktorovka» seriktestiginiń hımııalyq suıyq tyńaıtqysh óndiretin shaǵyn zaýytynyń jumysymen tanysyp, qarjy únemdeý máselesine nazar aýdardy. Bıyl sharýashylyq egis alqabyna 400 tonna amofos, 1200 tonna suıyq tyńaıtqysh sińiripti. Bul gektarynan 30-35 tsentnerden ónim alýǵa septigin tıgizip otyr. Shaǵyn zaýyt táýligine 120 tonna hımııalyq suıyq tyńaıtqysh óndire alady. Bul ózge de tutynýshylar suranysyn qanaǵattandyrýǵa múmkindik beredi.
Sharýashylyq egis alqaptaryn ártaraptandyrǵan. Bıyl 8387 gektar alqapqa dándi daqyldar, 2647 gektarǵa burshaqty daqyldar, 5438 gektar jerge jasymyq, zyǵyr, raps tárizdi maıly daqyldar sińirgen. Vladımır Andrıýhınniń aıtýynsha, sharýashylyq aýa raıynyń qolaısyzdyǵynan oraq jumysyna 20 tamyzda kirisken. Búgingi tańda dándi daqyldardyń 50 paıyzy, jasymyqtyń 84 paıyzy jınalǵan. Ylǵaldy astyq qyrmandaǵy gazben jaǵylatyn keptirgish kesheninde keptirilip, birden elevatorǵa tasymaldanýda. Oblys ákimi ónimdiligi joǵary kombaındardyń jumysyna nazar aýdaryp, oraq jumysynyń qarqynyn eseleýdi tapsyrdy.
Sapar aıasynda oblys ákimi Zerendi jəne Sandyqtaý aýdandarynyń aktıvimen bıýdjettiń oryndalýy jáne aýyl sharýashylyǵyna baǵyttalǵan jerlerdi tıimdi paıdalaný máselesi jóninde keńes ótkizdi. 
