Aqmola oblysynda egin oraǵy aıaqtalýda

KÓKShETAÝ. QazAqparat – Aqmola oblysynda birqatar aýdan egin oraǵyn aıaqtady, dep habarlaıdy QazAqparat tilshisi.

Oblystyq aýyl sharýashylyǵy basqarmasynyń málimeti boıynsha, búgingi kúnge deıin oblysta 4 mıllıon 427 myń gektar egin alqabynyń 3825,1 myń gektary orylyp, 3801,9 myń gektary bastyryldy. Bul – tıisinshe barlyq egis alqabynyń 85,5 paıyzy.

«Oblys boıynsha ár gektardan orta eseppen 10,6 tsentnerden astyq jınalýda. Zerendi aýdanynda bul kórsetkish 15 tsentnerden asty. Sońǵy málimetter boıynsha, Zerendi aýdandy oblysta alǵashqy bolyp egin oraǵyn aıaqtady. Al, astyq óńirler Atbasar, Jarqaıyń, Jaqsy jáne Esil aýdandarynda bul kórsetkish 90 paıyzdan asyp otyr», - delingen basqarmanyń habarlamasynda.