Aqmola oblysynda egin oraǵy aıaqtaldy
KÓKShETAÝ. QazAqparat - Aqmola oblysynda kúzgi egin oraǵy jumystary aıaqtaldy. Óńir dıqandary ónimdilik tómen bolǵanyna qaramastan 4 mıllıon tonnadan astam astyq jınady, dep habarlaıdy QazAqparat tilshisi.
Oblystyq aýyl sharýashylyǵy basqarmasynyń málimetinshe, aqmolalyq sharýalar úshin bul jyl ońaı bolǵan joq. Jazdyń ystyq bolýy jáne jaýyn-shashynnyń az túsýi eginniń bittik shyǵýyna biraz kedergi keltirdi. Soǵan qaramastan, sharýalar egin oraǵy naýqanyn ýaqtyly aıaqtap, altyn astyqty shashpaı-tókpeı jınap aldy. Oblys boıynsha orta gektar berekesi 8 tsentnerden aınaldy.
«Bıylǵy jyl dıqan qaýymy úshin ońaı bolǵan joq. Degenmen, ystyq astyqtyń shyǵýyna kedergi keltirgenimen, sapasyna oń áser etti. Glıýten 30 paıyzdan asady, dánniń sapasy joǵary. Jınalǵan bıdaıdyń 90 paıyzdan astamy joǵary sanatqa jatady. Endigi mindet- astyqtyń elevatorlarǵa jóneltilýi men saqtalýyn qamtamasyz etý. Jalpy, oblysta sıymdylyǵy 6,5 mıllıon tonna bolatyn elevatorlar men sharýashylyqtarda 2 mıllıon tonnaǵa arnalǵan astyq qoımasyn daıyndaldy», - dedi oblystyq aýyl sharýashylyǵy basqarmasy basshysynyń mindetin atqarýshy Erkesh Álenov.
Basqarma basshysy atap ótkendeı, qazirgi kezde tuqym qoryn jasaý, keler jylǵa jer jyrtý jumystary qarqyndy júrgizilýde.
