Aqmola oblysynda dúkennen jarty mıllıon teńgeniń taýaryn tonap ketken kúdiktiler ustaldy

Polıtseılerdiń málimeti boıynsha 7 aqpan kúni «102» arnaıy telefon nómirine Kókshetaýdaǵy dúkenderdiń birine belgisiz bireýler terezeni syndyryp kirip, jalpy quny 500 myń teńge turatyn 2 teledıdar, 2 oıyn prıstavkasyn jáne noýtbýkti qoldy qylǵany jóninde aqparat túsken.

«Jedel-izdestirý sharasy barysynda 25, 28 jáne 33 jastaǵy ekeýi oblys ortalyǵynyń, bireýi Zerendi aýdanyndaǵy Granıtnyı kentiniń turǵyndary ustaldy. Kúdiktilerden urlanǵan zattar tárkilenip alyndy. Olar tergeý amaldary aıaqtalǵan soń ıesine qaıtarylatyn bolady», deıdi polıtseıler.

Sonymen qatar, kúdiktilerdiń ústinen QR QK 188 babynyń 2 bólimi «urlyq» boıynsha qylmystyq is qozǵaldy.