Aqmola oblysynda dúken órtke orandy
KÓKShETAÝ. QazAqparat - Aqmola oblysynyń Zerendi aýdanynda azyq-túlik jáne ónerkásip taýarlaryn satatyn dúken órtendi, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, órt búgin tús kezinde Zerendi aýdany ortalyǵyndaǵy azyq-túlik jáne ónerkásip týarlary satylatyn «Aıst» dúkeninde shyqqan.
«Búgin saǵat 12:33 Zerendi aýdandyq ÓB kezekshilik bólimine bir qabatty «Aıst» dúkeniniń shatyry janyp jatqandyǵy týraly aqparat tústi. Tilsiz jaýdy aýyzdyqtaýǵa TJD jeke quramynan 15 qyzmetker jáne 3 arnaıy tehnıka, Qyzyl kardon orman sharýashylyǵynyń jumysshylary men tehnıkasy jumyldyryldy. Sonymen qatar, TJD 10 órt sóndirýshi men 2 tehnıka attandy. Órt aýmaǵy 350 sharshy metrdi qurady. Zardap shekkender joq. Órttiń shyǵý sebepteri anyqtalýda», - dep túsindirdi Zerendi aýdandyq TJB bastyǵy Erlan Joldın.
