Aqmola oblysynda dızelmen júretin kólikterdiń qozǵalysyna tyıym salyndy
KÓKShETAÝ. QazAqparat - Aqmola oblysynda qolaısyz aýa raıyna baılanysty jol jabyldy, dep habarlaıdy QazAqparat.
«QazAvtoJol» kásiporny Aqmola fılıaly taratqan málimetke sensek, aýa temperatýrasynyń -38 gradýsqa deıin tómendeýine baılanysty respýblıkalyq mańyzy bar joldar túgel jabylady.
«Qurmetti jol qoldanýshylary, aıaz kúsheıip, mınýs 38 gradýsqa jetti. Osyǵan baılanysty 2 qańtar saǵat 18:00 bastap dızel otynyn paıdalanatyn kólik quraldarynyń respýblıkalyq mańyzy bar barlyq baǵyttaǵy jolda júrýine tyıym salynady. Kún raıy jylynyp, aýa raıy jaqsarǵanǵa sheıin alys jolǵa shyqpaǵandaryńyz jón» delingen kásiporynnyń habarlamasynda.
Sonymen qatar, óńir joldarynda qoǵamdyq kóliktiń de qozǵalysyna shekteý qoıyldy .
Eske sala keteıik, buǵan deıin Soltústik Qazaqstan oblysynda barlyq baǵyttaǵy joldar jabylǵanyn habarlaǵan bolatynbyz.
