Aqmola oblysynda dinı obektiler, kınoteatr, mádenıet obektileriniń qyzmeti toqtatylady

Atap aıtqanda:

Kókshetaý qalasynyń perımetri boıynsha blok beketter ornatý;

kún saıynǵy ósimi 10 jaǵdaıdan asatyn eldi mekenderde sanıtarlyq blok beket ornatý;

Kókshetaý-Almaty, Kókshetaý-Aqtaý baǵyttary boıynsha áýe qatynasyn aptasyna 2 reısten 1 reıske deıin qysqartý;

Kókshetaý-Qyzylorda baǵyty boıynsha temirjol tasymaldaryn aptasyna 7 retten 3 retke deıin qysqartý;

jolaýshylar temirjol quramdarynyń oblys ishinde aıaldaýyna tyıym salý (oblys ákimdigi belgilegen jerlerdi qospaǵanda);

dinı obektilerdiń, teatrlardyń, kınoteatrlardyń, mádenıet obektileriniń qyzmetin toqtata turý;

jumys kúnderi úı-jaılardaǵy qoǵamdyq tamaqtandyrý obektileriniń jumysyn bir mezgilde 30-dan aspaıtyn kelýshiler bolǵan jaǵdaıda, 30-dan kem oryndyq obektiler úshin eseptik oryndardyń 50%-ynan aspaıtyn jaǵdaıda saǵat 8:00-den 21:00-ge deıin, jumys rejımin qysqarta otyryp shekteý;

jumys kúnderi saýda úıleriniń, saýda ortalyqtarynyń, kólemi 500 sharshy metrden astam azyq-túliktik emes dúkenderdiń jumysyn saǵat 10:00-den 20:00-ge deıin shekteý;

strategııalyq obektiler men tirshilikti qamtamasyz etý obektileriniń óndiristik protsesti qamtamasyz etetin jumyskerlerin qospaǵanda, oblys eldi mekenderiniń aýmaǵy boıynsha turǵyndardyń qozǵalysyn saǵat 23:00-den saǵat 06:00-ge deıin shekteý;

65 jastan asqan adamdarǵa azyq-túlikti, birinshi kezekte qajetti taýarlardy, dári-dármekterdi jáne medıtsınalyq buıymdardy satyp alý jaǵdaıyn qospaǵanda, asa qajet bolmaǵanda turǵylyqty jerinen shyqpaýdy usyný;

qyzmetkerlerdiń keminde 80%-yn qashyqtan jumys isteý rejımine kóshirý;

oflaın rejımde keńes ótkizýge tyıym salý tapsyryldy.

Eske sala ketsek, COVID-19-dyń taralýyna jol bermeý máseleleri jónindegi vedomstvoaralyq komıssııanyń tóraǵasy, Premer-Mınıstrdiń orynbasary Eraly Toǵjanov jumys saparymen Aqmola oblysyna bardy.