Aqmola oblysynda demalys kúnderi qoǵamdyq tamaqtaný oryndary jabyq bolady

AQMOLA. QazAqparat – Aqmola oblysynda «Ashyq» jobasyna qosylmaǵan qoǵamdyq tamaqtaný oryndary demalys jáne mereke kúnderi jabyq bolady, dep habarlaıdy QazAqparat tilshisi.

Aqmola oblysy bas memlekettik sanıtarlyq dárigeriniń jańa qaýlysy jarııalandy. Onda óńirdegi túrli nysandardyń jumys rejımine birqatar ózgeris engizilgen.

«Ashyq» jobasyna kirmegen qoǵamdyq tamaqtaný oryndary senbi, jeksenbi jáne mereke kúnderinde jumys istemeıdi. Al basqa kúnderi jalpy toltyrylýyna 50 paıyzǵa deıin, 30 adamnan asyrmaı saǵat 07.00-den 18.00-ge deıin ashyq bolady. Al jobaǵa engender 07.00-den 02.00 aralyǵynda kún boıynsha shekteýsiz kelýshilerdi qabyldaıdy», - delingen qaýlyda.

Dinı nysandardyń jumysy da «Ashyq» jobasyna qosylǵan-qosylmaǵandyǵyna baılanysty. Máselen, joba músheleri jalpy toltyrylýyn 30 paıyzdan asyrmaı jumys istese, jobaǵa qosylmaǵandar múlde jabyq bolady.

«Teatrlar, kınoteatrlar men kontsert zaldary eger jobaǵa kirgender bolsa toltyrylýyn 30 paıyzdan asyrmaı jumys isteıdi. «Ashyq lıderi» statýsyn alǵandar 40 paıyzǵa deıin kelýshilerdi qabyldaıdy. Al jobaǵa qatyspaıtyndardyń jumysyna tyıym salynǵan», - delingen qujatta.

Jańa qaýlynyń tolyq mátinimen myna silteme arqyly tanysýǵa bolady.