Aqmola oblysynda demalys kúnderi qandaı shekteýler engizildi
KÓKShETAÝ. QazAqparat – Aqmola oblysynyń bas sanıtarlyq dərigeriniń 2020 jylǵy 27-28 maýsym demalys kúnderi shekteýler engizý týraly kezekti qýlysy shyqty, dep habarlaıdy QazAqparat tilshisi oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentine silteme jasap.
Qaýlyda shekteý sharalary 27-shi maýsym saǵat 00:00-den bastap 28-shi maýsym saǵat 00:00 deıin jalǵasatyny kórsetilgen.
Qaýlyǵa səıkes: betperdelerdi kııý algorıtmin saqtaý, asa qajettilik bolmasa, 65 jastan asqan adamdardyń úıden shyǵýyn shekteý, respıratorlyq ınfektsııanyń alǵashqy belgileri (tumaý, túshkirý, temperatýra) paıda bolǵan kezde medıtsınalyq uıymdarǵa barmaı, 103 nómiri boıynsha jedel medıtsınalyq jərdem shaqyrtý kerek. Eresekterdiń erip júrýinsiz 14 jasqa deıingi balalardyń júrýin shekteý, óńir turǵyndaryna qoǵamdyq oryndarǵa, saıabaqtarǵa, alańdarǵa jəne skverlerge, jaǵalaýlarǵa barýǵa, turǵylyqty jeri boıynsha otbasylyq is-sharalardy ótkizýge tyıym salynady.
Kórshilerge, tanystarǵa, týystarǵa, əriptesterge barýdy shekteý kerek. Qaıtys bolǵan kisini jerleý is-sharalaryn júrgizý kezinde keminde 2 metr qashyqtyqty saqtaı otyryp, 30 adamnan astam (otbasy músheleri) jınalýǵa jol berilmeýi tıis.
Aqmola oblysynyń əkimdigi, aýdandar men Kókshetaý, Stepnogorsk qalalarynyń əkimderi turǵylyqty jeri boıynsha otbasylyq, eske alý, ujymdyq sharalardy ótkizýge, kórshilerine, tanystaryna, týystaryna áriptesterine barýǵa, jappaı korporatıvtik jáne basqa da is-sharalar ótkizý úshin jekemenshik úıler men qurylystardy jalǵa alýǵa jol bermeýi kerek.
Bógde adamdar men otbasy múshelerinsiz, jergilikti atqarýshy, quqyq qorǵaý organdarynyń, jedel jəne shuǵyl medıtsınalyq jərdemniń, memlekettik medıtsınalyq mekemelerdiń, sanıtarlyq-epıdemıologııalyq qyzmettiń, órt sóndirý, avarııalyq-qutqarý jəne avarııalyq- tehnıkalyq qyzmetterdiń, sondaı-aq strategııalyq obektiler men tirshilikti qamtamasyz etý obektileriniń óndiristik protsesin qamtamasyz etetin qyzmetkerlerdi qospaǵanda, saǵat 22:00-den 06:00-ge deıin turǵyndar men avtokóliktiń júrýine tyıym salynady.
«Uıymdastyrý-quqyqtyq nysandary men vedomstvolyq baǵynystylyǵyna qaramastan jeke jáne zańdy tulǵalar, kásipkerlik sýbektileri kúsheıtilgen sanıtarlyq-dezınfektsııalyq rejımdi saqtaý jónindegi epıdemııaǵa qarsy is-sharalardy uıymdastyrýdy jáne júrgizýdi jáne kásiporyndarda, mekemeler men uıymdarda karantındik is-sharalardy odan ári saqtaýdy qamtamasyz etsin.
Aýdandar men Kókshetaý jəne Stepnogorsk qalalarynyń ákimderi qoǵamdyq kólikterdi, áýejaılardy, temirjol jáne avtovokzaldardy, sýpermarketterdi, bazarlardy, qoǵamdyq kólikterdiń aıaldamalaryn, sporttyq snarıadtardy, balalar men sport alańdaryn, oryndyqtardy, bankomattardy, bank termınaldaryn, POS-termınaldardy jýý jáne dızenfektsııalaý quraldarymen óndeýdi qamtamasyz etýge jaýapty», - dep kórsetilgen oblystyń bas sanıtarlyq dárigeriniń qaýlysynda.
