Aqmola oblysynda dárigerlerge páter beriledi
KÓKShETAÝ. QazAqparat – Aqmola oblysynyń Jaqsy aýdanynda dárigerler úshin aýdandyq aýrýhananyń juqpaly aýrýlar bólimshesi 8 páterli turǵyn úı retinde qaıta jabdyqtalýda, dep habarlaıdy QazAqparat tilshisi aýdan ákimdigine silteme jasap.
Ákimdiktiń málimetinshe, qazirgi kezde pavlodarlyq merdiger kompanııa «PavlodarEnergoMontaj» JShS-gi aýrýhana aýmaǵynda qurylys jumystaryn júrgizýde.
«Ǵımarttyń jalpy aýmaǵy 474 sharshy metrdi quraıdy. Onda jospar boıynsha 4 bir bólmeli jáne 4 eki bólmeli 8 páter bolady»,- deıdi aýdandyq qurylys bóliminiń basshysy D.Koşegýlov.
Ákimdikten atap ótkendeı, bıylǵy jyldyń jeltoqsan aıynda dáriger men aýdandyq aýrhananyń qyzmetkerleri osy ǵımarattan páter kiltin alatyn bolady.
