Aqmola oblysynda dáriger tapshylyǵy eki ese tómendedi

KÓKShETAÝ. QazAqparat – Aqmola oblysynda sońǵy úsh jylda dáriger kadrlardyń tapshylyǵy 2 esege jýyq tómendedi, dep habarlaıdy QazAqparat tilshisi.

Aqmola oblystyq densaýlyq basqarmasy basshysynyń mindeti atqarýshy Bıbigúl Omarovanyń málimetinshe, qazir oblysta 244 dáriger jetispeıdi.

Kadr tapshylyǵynyń negizgi úlesin jalpy praktıka dárigerleri, terapevtter, akýsher-gınekologtar, anestezıologtar, pedıatrlar, neonatologtar quraıdy.

«Bıyl oblysqa joǵary medıtsınalyq bilimi bar 87 jas maman kelip, jumysqa ornalasty. Dárigerlik kadrlardyń tapshylyǵyn tómendetý maqsatynda jyl saıyn rezıdentýrada oqýǵa 35 grant, «Jalpy medıtsına» mamandyǵy boıynsha oqýǵa 50 grant, orta býyn medıtsına qyzmetkerleri úshin jergilikti bıýdjet esebinen 190 grant bólinedi», - dedi Bıbigúl Omarova.

Orta býyn mamandaryn daıarlaýdy jáne qaıta daıarlaýdy Kókshetaý joǵary medıtsınalyq kolledji emdeý isi, akýsherlik is, meıirbıke isi, gıgıena jáne epıdemıologııa, stomatologııa, ortopedııalyq stomatologııa, zerthanalyq dıagnostıka, farmatsııa tárizdi 8 mamandyq boıynsha júrgizedi.

Bilim ordasynda qazirgi ýaqytta 1237 stýdent oqıdy. Bıyl 217 stýdent dıplom alyp shyqty.

Sonymen birge, 2018 jyldan bastap Sh.Ýálıhanov atyndaǵy Kókshetaý memlekettik ýnıversıtetindegi medıtsına fakýltetinde dáriger mamandar daıarlanady.

«2022 jyldyń 9 aıynyń qorytyndysy boıynsha medıtsına qyzmetkerleriniń ortasha aılyq jalaqysy dárigerlerde 501 695 teńgeni, orta medıtsınalyq personalda 257 468 teńgeni, kishi personalda 117 588 teńgeni qurady. Dárigerlerdiń jalaqysy orta eseppen 30 paıyzǵa, orta medıtsınalyq personaldiki 20 paıyzǵa jáne kishi personaldiki 15 paıyzǵa ósti», - dep qosty Bıbigúl Omarova.

Aıta keteıik, Aqmola oblysynda densaýlyq nysandarynyń 87,9 paıyzy ınternetke qosylǵan.