Aqmola oblysynda dáriger mamandardyń tapshylyǵy qalaı sheshilýde
Aýdan ákimdiginiń málimetinshe, óńirdiń densaýlyq saqtaý júıesinde kadr tapshylyǵy bar. Bul máseleni sheshý maqsatynda medıtsınalyq oqý oryndarynda búgingi tańda 12 stýdent oqytylýda. Olar oqý bitirip, dıplom alǵan soń aýdanǵa jumysqa isteýge barady. Bıylǵy jyly Makınsk dárigerlik ambýlatorııasyna bir dáriger men bir medıtsına qyzmetkeri keldi. Olarǵa 5 mıllıon teńgege kóterme járdemaqy jáne bıýdjettik kredıt túrinde áleýmettik qoldaý kórsetildi. Budan bólek, Stepnıak qalasyna 3 medıtsına qyzmetkeri keldi (1 – akýsher, 2 medbıke). Qudyqaǵash, Alǵa, Keńaşy aýyldarynda orta medıtsına qyzmetkerleri tapshy.
«Densaýlyq saqtaý júıesindegi sapany jaqsartý maqsatynda 2023 jyly Stepnıak qalasynda emhanamen biriktirilgen aýrýhana salý josparlanýda. Nsyannyń jobalyq quny 6,3 mıllıard teńgeni quraıdy. Onda 40 kerýettik táýliktik statsıonar, 5 kerýettik kúndizgi statsıonar, emhana, dárihana, BAK zerthana, klınıkalyq-dıagnostıkalyq zerthana, perzenthana bólimshesi, jańa týǵan nárestelerge arnalǵan reanımatsııa, sondaı-aq ákimshilik úı-jaılar qarastyrylǵan. Bul aýdanda densaýlyq salasyndaǵy qyzmettiń sapasyn jaqsartyp, medıtsınalyq qyzmetke turǵyndardyń qoljetimdiligin arttyra túsedi», dedi aýdan ákimdiginen.
Búgingi tańda Birjan sal aýdandyq aýrýhanasyna bir emhana, eki dárigerlik ambýlatorııa (Makınka, Úlgi aýyldarynda), bir feldsherlik-akýsherlik pýnkt (Andyqoja batyr aýylynda) jáne jıyrma segiz medıtsınalyq pýnkti qaraıdy.
Aýdan boıynsha barlyǵy on alty dáriger, onyń ishinde jalpy tájirıbelik dárigerler - altaý, akýsher-gınekologtar - ekeý, pedıatr-ekeý, hırýrg-bireý, ýltra dybystyq zertteý dárigeri, statıst – ekeý jumys isteıdi. Reanımatolog - anestezıolog, okýlıst, lor, kardıolog, nevropatolog tárizdi mamandar tapshy bolyp otyr.
Aıta ketsek, Aqmola oblysynda medıtsınalyq mekemelerdiń jabdyqtalý kórsetkishi ósti.
