Aqmola oblysynda dári-dármek tapshylyǵy joq
Oblystyq densaýlyq saqtaý basqarmasynyń málimetinshe, biryńǵaı dıstrıbıýtor jetkilikti mólsherde qabynýǵa qarsy ystyq túsiretin preparattar satyp aldy. Sondaı-aq ambýlatorııalyq emdeýde beriletin tabletka túrindegi antıkoagýlıanttar da bar. Statsıonarlyq emdeýdegi naýqastar barlyq dárilik zattarmen tegin qamtamasyz etiledi.
Densaýlyq saqtaý basqarmasy basshysynyń orynbasary Nurlan Shaǵyrov atap ótkendeı, jyl saıynǵy tegin dári-dármekter tizimi birtindep ulǵaıýda.
«Eki jyl buryn ambýlatorııalyq-dári-dármekpen qamtamasyz etý sheńberinde 48-den 140-qa deıin aýrýlardyń tizbesi keńeıtildi, tegin dári-dármekterdiń ataýy 280-den 620-ǵa deıin ulǵaıtyldy. Pandemııaǵa baılanysty tizbege qosymsha dárilik zattardyń 5 ataýy engizildi. Bulardyń qatarynda antıkoagýlıanttardyń 3 ataýy (rıvaroksaban, dabıgatran, apıksaban), paratsetamol, ıbýprofen. Bul aýrý boıynsha dári-dármekter jetkilikti», - dedi vedomstvo basshysynyń orynbasary.
Eske sala ketsek, ambýlatorııalyq deńgeıde dári-dármekpen qamtamasyz etý naýqastyń jeke basyn kýálandyratyn qujatty nemese onyń kóshirmesin kórsetken kezde tegin retsept boıynsha 26 dárihana pýnkti arqyly júzege asyrylady. Adam aýrýlar tizimge engizilgen jaǵdaıda ǵana tegin retsept ala alady.
Jalpy, ótken jyly 170 myń naýqas dári-dármekpen qamtamasyz etildi, bul 2020 jylmen salystyrǵanda 7 paıyzǵa kóp. Nátıjesinde dári-dármekpen qamtamasyz etý máseleleri boıynsha ótinishter men shaǵymdar sany 1,5 esege azaıdy. Statsıonarlyq qamtamasyz etý sheńberinde áleýmettik medıtsınalyq saqtandyrý qorynyń qarajaty esebinen dárilik zattardyń 985 ataýy jetkizildi.
Aıta ketsek, 2022 jyly dári-dármekterdi jóneltý 23 qańtardan bastaldy. Qazirgi ýaqytta 573 tegin dári-dármek tıeldi.