Aqmola oblysynda dári-dármek qory jasaqtalýda
KÓKShETAÝ. QazAqparat - Aqmola oblysynda koronavırýs ınfektsııasynyń yqtımal ekinshi tolqynyna daıyndyq maqsatynda dári-dármek qory jasaqtalýda, dep habarlaıdy QazAqparat tilshisi.
Oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentinen málim etkendeı, Memleket basshysynyń tapsyrmasyn oryndaý sheńberinde bıylǵy shilde aıynda koronavırýs ınfektsııasyn emdeýge qajetti dári-dármek pen medıtsınalyq preparattardyń qoryn anyqtaý jáne dárihanalarda satylyp jatqan dáriniń baǵasyn baqylaý boıynsha monıtorıng júrgizildi.
«Anyqtalǵan zańbuzýshylyqtar boıynsha materıaldar ákimshilik is qozǵaý úshin polıtsııa jáne ekologııalyq tergeý departamentterine joldandy. Quqyq qorǵaý organdarynyń materıaldary boıynsha Aqmola oblysynda dárilik preparattardyń shekti baǵasyn kótergen 23 sýbekti ákimshilik jaýapqa tartyldy», - deıdi vedomstvodan.
«Atameken» kásipkerlik palatasynda suranysy joǵary dárilik preparattar men medıtsınalyq ónimderdiń «GOOGLE dısk» esepteýdiń biryńǵaı formasy jasaldy. «GOOGLE dısk» dárilik preparattar boıynsha aqparatty 80 farmatsevtıkalyq qyzmet kórsetetin sýbekt jumys istep turǵan 114 obekti boıynsha usynady.
«Búgingi kúni oblysta 50 myńnan astam býma quramynda «atsetılsalıtsıldy qyshqyly» bar preparattar tobyndaǵy dári, 90 myńnan astam býma/quty quramynda «paratsetamol» bar dári, 30 myńnan astam býma/quty quramynda «asqynýǵa qarsy steroıdsyz preparat», 30 myńnan astam býma/quty quramynda «vırýsqa qarsy dárilik zattar» bar. Oblystaǵy dárihanalar qoımasynda medıtsınalyq maska qory jasalǵan. Budan bólek, 280 myńnan astam qorǵanys zattary bar. Bir rettik qoldanylatyn medıtsınaldyq maskanyń baǵasy turǵyndar úshin 60 teńge den aspaýy tıis. Monıtorıng turaqty túrde júrgizilip turady», - deıdi vedomstvodan.
